Le domino noir

Ettersom ingen ville tagge meg, gjør jeg det sjøl.

1. Go to “wikipedia.” Hit “random” or click http://en.wikipedia.org/wiki/Special:Random
   The first random wikipedia article you get is the name of your band.
2. Go to “Random quotations” or click http://www.quotationspage.com/random.php3
   The last four or five words of the very last quote of the page is the title of your first album.
3. Go to flickr and click on “explore the last seven days”
   or click http://www.flickr.com/explore/interesting/7days
   Third picture, no matter what it is, will be your album cover.
4. Use Gimp or similar to put it all together.
5. Post it, and tag some new people

Jeg fant dette bildet, dette sitatet og dette bandnavnet.

Tydalstur

I helga var eg og såg om bror min i Tydalen. Eg kom opp fredag ettermiddag med bilen full av skuterklede og isfiskeutstyr, no skulle dei takast. Då eg kom fram, bar det i butikken for å proviantere:

• pølse (20 stk)
• pølsebrød (12 stk)
• marsipanegg
• maggot
• ulike taco-ingredingsar.
• pils

Så gjekk turen ned til Storekra (Stor-ekra, ikkje Store-kra) kor vi meska oss med taco og drøymde om dei store fiskane vi skulle ta i morgon. Det vart så eit lengre ordskifte om kor tid vi skulle fara, men vi vart til slutt einige om vi skulle stå opp kl. 8

Det gjekk overraskande greitt å vakne så tidleg, eg var beint fram morgonfrisk Sola skein frå blå himmel og det såg ut til å bli ein framifrå dag i fjellet. Skuterføret var ypperleg og snart var vi på plass ved Mulen og hadde sluk og mormyska i vatnet. Det byrja å nappe med ein gong, men eg fekk ikkje krøyka den forbaska fisken ein einaste gong. Morten drog opp seks fiskar, men storleiken var ikkje mykje å skrive heim om. Fiskegudane sutte nok for at eg skulle sleppe skamma med å ha teke småfisk

Morten ligg og dreg opp småfisk.

Det var diverre ein del vind, så vi fann etter kvart ut at vi skulle finne oss ein lun stad og ta oss ein matbit. Denne gongen passa eg på at eg hadde med både fyrstikkar og stormlighter så vi skulle få steikje pølsa og fisken. Etter at vi hadde brukt opp nesten all raudspriten på å prøve og få eld på nokre sure bjørkepinnar, tok vi til fornuften og brukte den siste slanten på spritkjøkkenet. Pølsa vart kjempegod

Søndag vart det skitur, då skulle vesle Kine og få vera med. Ho skal visstnok ha genar frå alaskan malamute, men eg trur ho må ha fått dei genane på vranga: det var nok meir Morten som trekte Kine enn omvendt. Etter å ha gått omtrent rett opp i forferdeleg lang tid, kom vi fram til Langfallsjøane. Vi bora straks hol i isen og byrja fiske, man han var ikkje villig i dag heller. Ikkje eit napp på heile dagen.

Kosestund på Langfallsjøene.

Vinden var til stades i meste laget. Vi gjekk derfor vidare til neste tjønn i håp om at det var lunare der. Det var det ikkje, men vi vart sittande ei stund å fiske lell. Etter kvart vart vi svoltne, så vi tenkte vi skulle steikje oss nokre pølser. Fyrstikkane var med, steikjepanna var på plass, bensinbrennaren og bensinen var klar. Sjølsagt mangle det ein del for å koble brennaren til tanken, så det vart kald pølse uten brød (for det hadde vi ete opp dagen før) til mat. Eg tømte pølsesøet ned i snøen så Kine skulle få seg litt pølsesøslush til middag, nammenam

Etter at pølsa var slukt, var det på tide å renne ned att. I staden for å renne rett ned den vegen vi kom, gjekk vi ein omkrok så det ikkje skulle bli så bratt. For min del var nok det unødvendig, om det så hadde vore 50˚ bratt, trur eg at eg må ha staka for å komme ned. Skia hadde ikkje vorte glattare sia sist eg blogga dei.

Kongen av Aprilfjellet

Syndaren er funne

Endeleg har eg, eller rettare sagt Pelle på Viken Violiner, funne ut kva som årsaka den ekle lyden i fela: liminga som held fast lokket hadde gått opp.

Det viste seg heldigvis å vere ein enkel sak å reparere, så eg fekk att fela etter berre nokre timar. Medan eg venta på at limet skulle tørka, kjøyrde eg meg ein tur til Rita. Der vart eg teken bilete av og blogga

Skutertur!

Etter mykje om og men vart skuteren endeleg ferdig reparert, det måtte sjølsagt feirast med ein fisketur. Ettersom medeigar og broder Morten bur i Tydal, ein kommune som faktisk tillet skuterkjøyring, har vi sett opp base der. Morten var på Essand i helga, og eg tenkte at eg og skulle freiste lukka under syltoppens fot.

Eg stod opp før kl 0900, kjøpte fiskekort og betalte løypeavgift. Dermed var det berre å sette seg på skuteren og legge i veg. Eg hadde budd meg bra: Abu-røyken, stormkjøkken, grillpølser, pølsebrød, fiskestikke, maggot, men sjølsagt ingen fyrstikker, så det vart kalde pølser i brød til morgens på Essand. Etter å ha fiska i om lag et kvarter byrja det nappe, smånappe. Denne smånappinga heldt fram ein times tid utan at eg fekk fast fisk. Så vart det stilt, ikkje eitt enda napp til på heile dagen, men det var ikkje så farleg, for været var utruleg bra: skyfri himmel og ikkje eit vindpust.

Abstinens

Etter eitt døger utan TV held eg på å klive på veggene. Korleis går det med ungdommane i Point Place? Får Rex Hunt fisk i dag? Klarar doktor House å stille rett diagnose før det er for seint?

Heldigvis oppdaga eg at eg har radio, så i dag har eg trøysta meg med Trønderradioen. Kven veit, kanskje eg oppdagar nokre gøymde skattar i FM-bandet?

Eg har kjøpt meg eit par plantar, det skal bli spennande å sjå kor lenge dei overlever i mi varetekt.

Ut med TV-en!

No har eg endeleg kasta ut den helvetes TV-en

Bryllaup

I helga var eg på verdas trivelegaste bryllaup, Katrine Strøm og Bjarne Marken vart til Katrine og Bjarne Høttmoen i Stordalen Kapell. Dagen byrja i kyrkja med musikk og preike. Preika stod presten for, medan slekt og venner av brura stod for musikken. Tonje song eit par fine låtar og Emanuel spelte kornett, eg var med og kompa på bas. Etter at brurefolket hadde svara rett, spelte Sverre folket ut or kyrkja med ein gånglåt skriven for anledninga.

Det bars så til ungdomshuset for gløgg, båe med og utan alkohol, i et stortelt som var sett opp utafor huset. Der var eg sett til å spele toradar medan gjestene meska seg med gløgg. I alt maset om morgonen gløymde eg sjølsagt min eigen toradar, men eg fekk heldigvis låne ein av Bjørnar.

Etter kvart vart det mat, elggryte laga av den eminente kokken Jan Tore. Til dessert vart det moltkrem med krumkake. Maten og kaffen gjekk som ein leik, ikkje nokre lange trasige talar eller pausar. Dalingane hadde til og med laga eit lite teaterstykkje der dei viste korleis brureparet trefte kvarandre. Før vi visste ordet av det vart det musikk og dans.

Jan Borseth med venner spelte til dans, og etter kvart såg eg mitt snitt til å finne fram fela. Eg slengte meg med på scena og spelte et sett i lag med Jan, det var artig. Eg har spelt fele berre sidan først på desember, men eg vart behandla som Arve Tellefsen; he-he Ikkje før klokka 7 søndags morgon var eg i seng.

Klokka 10 søndag skulle eg eigentleg ha vore på plass att på Stordalen. Eg somna sjølsagt av, men i 2-tida var eg på plass att. Etter middagen bars det til med spelling att, vi heldt fram til i 9–10-tida. Eg spelte fleire gammel-låtar med Sverre Strøm, verdas beste polsspelar.

Spynorsk mordliste

Ikkje uventa har valet mitt om å skriva den her bloggen på nynorsk vekt harme hjå dei ukunnige massane. Frå ein lærarstudent har eg fått denne SMS-en Tykkjer eg? Diverre? Syke, syke mænneske Det er ikkje rart det er så mykje ufred i verda.

Skitur (reprise)

I dag gjekk eg heilt fram åt Hestsjøen. Eg har investert i slik flytande voks, så skia gjekk ein tanke betre i dag. Enno tykkjer eg det manglar ein heil del før dei går like godt som vanlege ski.

Skitur

Fint ver og føre. Fann fram skia i dag og gjekk frå Remyra til Hestsjøen (nesten). Har diverre berre smørefrie ski, så det gjekk litt trått, men elles var det ein fin tur.